منتدى رحوية

قصيدة من الشعر الحر بعنوان : رحويـــة بـــلادي

بسم الله العالي دينه سكن بالي هو رزقني صحتي ومالي و اعطاني موهبة بالشعر يتنظم هو المعبود والاستغفار حقو و قاع الي في الارض رزقو و لا واحد في الشنا يسبقو ربي الغيب يعلم و الصلاة والسلام على شفيع الامة الي دار للعرب لمة و اعطى للمسلم حرمة الي يجاوره في الجنة يتنعم و الرضا على صحابو الي في زمانو قاومو وحاربو و حق الدين جابو راحوا علينا وغابو ياك الصحابي لرضا ربي يخدم و ربي الي نورنا بالشمس بعد الظلمة و ابعث النور في عين لاعمى و ارزقنا بالما من السما دار قران عربي يترجم و سبحانه بجلاله ربي القهار دار الجنة والنار و قال للانسان اختار و عندك تسمع لابليس الغدار خرج من الجنة حواء وادم و الله ينعل المخلوق من نيران الى غوى الانسان اسموه الشيطان في طريق الباطل يبان وفي الاخرة ساكن جهنم الله ينور الي عقله بالحكمة باني ويفهم المعاني ورزين و فهيم ثاني ضوه من البعيد جاني كي يعرف يخمم يا جماعة الخير هذا كلام بيه نوصف يفهمو حكيم يعرف و يجهلو جاهل يخرف لا تقولوا مريض يحرف و لا مهبول يتمتم كتبت كلام جديد نظمتو ابيات في قصيد ما ينقص ما يزيد العقل اهدر والورقة سمعت من عند القلم الحمد لله ربي ما رزقنيش لوحدي ما اعطاني لا مال لا جاه في يدي و خلى الكلام عندي سبحانه علمني ما لا نعلم ولد رحوية فتحي بن الحاج جلول و بربي كلام الصواب نقول قضبت الورقة عرض وطول و الكلام سكن القلب وامشى في الدم و زين الانسان كلام بالخير يبان مصنوع بالحكمة والبرهان و حلاوة اللسان يتسمع بالطبع و الشان مسك ريحتو تنشم و الي ما يعرف يهدر يسمعه شكون ؟يكرهه لطرش ويعيفه العقون كلامه في الوذن مدفون و ما عندوش علاش يحشم الفايدة والحصول الكلمة من القلب للسان للعقول و الفهامة عند الي يسمع والي يقول راني نهدر معاكم و نعمم بلادي ونبغيها و من حقي نكتب عليها و هاذي حاجة ولا واحد يسالني فيها و على بالي راني براني فيها و ميت و قبري تردم يا السامعين و الحضار راني خططت لكم حوار بين الشمس والقمر في تعبار لا في ليل لا في نهار و ان شاء الله في قصيدي ما نغلط ما نندم الشمس عروس في سماها في زينها محلاها راح ليها القمر سقساها زين لارض وين توشم ؟ قالت له يا سلطان الليل انت لكل شاعر خليل مشاو تحتك الفرسان والخيل في سواد مظلم انا نبغي ارض مزغنة وسماها هي جنة في الدنيا ربي رماها محلى ترابها نخيلها وماها زينها يا القمر ما يترسم نتشوق نشوف زين الرحمان نروح بقلبي لارض الخيل و الفرسان نشرب من عين الجنان ارض افلح و بن رستم ارض الاصالة والجود بالبرهان معاشي منها فنان والمقدمة الخلدونية عنوان نقضب طريق غليزان وندير الرحوية مرسم بلاد النور والخير وفليته بايعوا الامير وهذا تاريخ كبير نقريك اذا كنت مش معلم هاذو خمس خماس في بلادهم كانوا رياس الدار ما تتبنى بلا ساس و الي بناها سطحها فوقو يتهدم ناس الزعامة بلا تاج و الذهب ما يحول ما يعواج وعدي على القايد بلحاج قال لفرنسا دخولك علينا محرم حاربو وعادو وعلى الحق استشهدو و جاهدو و ربي عاهدو و الشهيد قبره بالمسك مختم يا عريس الليالي حالك من حالي نبكي على بن الحاج جلول بلعاليا وسنوسي البودالي و قدام لارض يرخص الغالي و شعال من راجل في قبرو ترحم و الشهيد مكانو في الجنان مع المصطفى العدنان و كلامي بالبيان السورة والاية من القران سال فقيه يفسر ويفهم رد عليها القمر بقدرة القهار قال لها يا لالة النهار محلاه هذا الحوار زين رزين منظم سبحان الله الحي القيوم فيها علامة كريم ومقيوم الشيخ سيد احمد وجاوره المشري الميسوم تفسير فقه وعلوم بالقران والسنة يتكلم ارض الخير والصلاح حبة القمح في لارض ترتاح الرحوية جنة في يد فلاح مزين لارض كي تنخدم الحكمة بالمنجل في اليد الخفيف تزرع وتقلب في الخريف و تحصد في الصيف و الخير في العام مقسم هاكا يكون العام منور ومسعود والخير بين الناس مشهود هذه هي حرفة الجدود الي ما عندو تراث راه يتيم ومعدم الرحوية في زمانها كانت لويزة ما احلى القعدة مع اللمة العزيزة و بركة رمضانها وحلاوة العيد والتويزة و مزنها القعدة كي تتلم عائلة وحدة كنا في الشدة دم و صلة رحم و كبدة كبرت معانا كي كنا ورانا السبع غاب و الذيب لعب تودر الراعي وضاع الغنم يا سامعين الحديث الرحوية دايرة وبلدية ارض اسلام عربية و المدن بأولادها تتحكم و هنا قاضي الخير حضر الحق يتنقال ويتنصر ناسها مابين عرب وحضر هواها بالخير تعطر ساكنها مؤمن مسلم و مع التالي القمر قابل الشمس و دعاو ليها بالخير ما يحبس و لدها بالهنى يحس و البركة يلبس و يعيش حياته مقيم و قالوا لنا بقاو على خير يا لحباب واستغفروا الله التواب هو الي ارسل الدين بالكتاب و اعطى الجنة للي تاب يسكن مع محمد صلى الله عليه وسلم

بقلـــم الأديـب والشاعـر : فتحي بن الحاج جلول

تقع الرحوية على الطريق الوطني رقم 23 الرابط بين غليزان وولاية تيارت يحدها من الشمال بلدية وادي السلامة ومن الجنوب بلدية قرطوفة ومن الشرق وادي ليلي ومن الغرب سيدي الجلالي بن عمار.

تقرير : صفحة ” بلدية رحوية – Rahouia “

في إطار التعريف بشهداء الرحوية تسعى صفحتنا ” بلدية رحوية – Rahouia ” للتطرق لبعض بطولات شهدائنا الأبرار ونسعى جاهدا لجلب ما يمكن من معلومات عن حياتهم الثورية ونذكر من خلاله أحياء وشوارع ومؤسسات سميت على شهداء رحوية والبداية من متوسطة الذي حملت إسم أصغر شهدائنا عمرا وهو بلعباس العيد وهذه المعلومات القليلة التي إستطعنا تحصيلها من مصادر موثوقة ..
إليكم نبذة الشهيد بلعباس العيد .

#تسمية

ولد الشهيد #بلعباس_العيد سنة 1939 ببلدية الرحوية حيث تابع دروسه الإبتدائية باللغة الفرنسية بالرحوية إلى أن حصل على شهادة التعليم الإبتدائي رحل حينها إلى ولاية وهران وكان ذالك سنة 1956 .

إنضم إلى مجموعة الفدائيين تحت قيادة المسمى زغيد توجلة في سنة 1957 مع مجموعة من رفقائه ثم إنظم بعدها إلى صفوف جيش التحرير الوطني للولاية الخامسة وعمره لا يتجاوز 19 سنة .

سقط الثوري بلعباس العيد شهيدا في ميدان الشرف وكان ذلك سنة 1959 في معركة بعرش ولاد بورياح وعمره 20 سنة .

سميت عليه متوسطة بالرحوية ليبقى إسمه بارز رحم الله شهيد الواجب ..

المجد والخلود لشهدائنا الأبرار 🇩🇿 .
متوسطة بلعباس العيد – رحوية –
الشهيد بلعباس العيد

تقرير : صفحة ” بلدية رحوية – Rahouia “